Eggstokkreft – operasjon
Hvis kreftsykdommen er i tidlig stadium, kan det være tilstrekkelig med operasjon. Ofte fjernes eggstokkene, livmoren, fettforkle og lymfeknutene i bekken og buken. Dette blir gjort for å hindre eventuell spredning av sykdommen.
Før
Før operasjonen vil du bli kalla inn til ei forundersøking. På dagen for forundersøkinga vil vi planlegge inngrepet som skal gjerast og du vil få god informasjon om kva som skal skje.
Vi gjer ei generell undersøking av hjarte og lunger, og dessutan ei gynekologisk undersøking med ultralyd. Det er viktig at du har med deg ei oppdatert liste over dei medisinane du bruker til forundersøkinga. Du vil få beskjed om korleis du skal forhalde deg til medisinane dine før operasjonen.
I samband med forundersøkinga eller ved innlegginga får du også snakke med ein anestesilege.
Du vil få beskjed om nødvendige førebuingar. Skal du til dagkirurgi, gjer du desse førebuingane heime. Skal du leggast du inn dagen før operasjonen, skjer dei på sjukehuset.
Naglelakk og alle smykke, ringar, armbandsur og piercing må vere tatte av – også giftering.
Det kan i nokre tilfelle vere aktuelt at du tømmer tarmen, og enkelte gonger også markering med tanke på stomi (utlagd tarm) før operasjonen dersom det er mistanke om at kreftsjukdommen affiserer tarm.
Du får roande tablettar før du blir køyrd ned til operasjon.
Faste
Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.
De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.
Mat og mjølk/mjølkeprodukt: Skal stoppast 6 timer før
Klare væsker, tyggegummi, drops, røyk og snus: Skal stoppast 2 timer før
Dersom du likevel har ete eller drukke utanom de tidene som står her må personalet få vite det. Før enkelte inngrep skal du drikke ein bestemt mengde næringsdrikk. Strengare regler kan vere naudsynt for nokon. Det får du i så fall beskjed om.
Under
Eggstokkreft blir vanlegvis behandla med operasjon i kombinasjon med cellegift. Rekkefølga kan variere. Primær operasjon blir etterfølgd med cellegift, eller 3–4 kurar cellegift blir etterfølgd med operasjon og vidare cellegift, 2–3 kurar. Dersom sjukdommen er i tidleg stadium, kan det vere tilstrekkeleg med operasjon, men for dei fleste vil det vere eit lengre behandlingsforløp med cellegift.
I dei aller fleste tilfella gjer vi open kirurgi, vanlegvis med midtlinjesnitt. Inngrepet blir utført i full narkose. Som regel fjernar vi eggstokkane, livmora, feittforkle og all synleg tumorvev i buken. I nokre tilfelle, og dersom sjukdommen er i tidleg stadium, fjernar vi lymfeknutane i bekkenet og buken for å vurdere om det er behov for cellegift etter operasjon. I nokre få tilfelle kan vi utføre operasjonen ved kikhòl.
Det kan bli aktuelt med tarmkirurgi dersom tumor affiserer tarm, og i nokre tilfelle blir det også nødvendig å legge ut tarmen permanent eller mellombels ved ein stomi (utlagd tarm). Målet vil vere å fjerne alt synleg tumorvev, eventuelt så mykje som mogleg dersom det ikkje er mogleg å fjerne alt.
Ein slik operasjon kan vare frå 90 minutt til 5–6 timar, nokre gonger også lengre tid. Det vil vere minst to legar som opererer deg.
Etter
Etter at operasjonen er ferdig, skal du ligge ei stund til overvaking. Her blir du liggande til du er frisk nok til å ligge på vanleg sengepost. Det er vanleg at du blir liggande på sjukehuset i 4–7 dagar etter ein slik operasjon, stundom lengre, og kortare ved kikhòlskirurgi. Dette er avhengig av kor fort du kjem deg og kor omfattande kirurgi som er gjord. Dersom du tilhøyrer eit anna lokalsjukehus, kan det vere aktuelt å overflytte deg til lokalsjukehuset etter nokre dagar.
Etter inngrepet vil du bli sjukmeld i 4–6 veker. Treng du forlengd sjukmelding kan du kontakte fastlegen din om dette. Alt som er fjerna under operasjonen blir sendt til undersøking. Det tar 2–3 veker å få svar på desse undersøkingane. Når prøvesvara er klare, vurderer vi om det er aktuelt med tilleggsbehandling i form av cellegift. Du blir kontakta for svarresultata og plan for eventuell vidare behandling når desse svara ligg føre.
Du bør unngå fysisk trening av magemusklane og tunge løft dei første 6 vekene etter operasjonen. Unngå karbad, svømmebasseng og samleie dei første 4–6 vekene etter operasjonen.
Vær oppmerksom
Ved alle typar kirurgi vil det alltid vere ein viss risiko for komplikasjonar. Det gjeld først og fremst bløding og infeksjon. I tillegg er det risiko for skade på omkringliggande organ som tarm og urinvegar.
Kontakt
Radiumhospitalet
Seksjon for gynekologisk kreftbehandling
Oppmøtested
I L2 finner du sengeposter og poliklinikker.
L1 huser hovedinngangen med resepsjon, og publikumsområder som kafe/kantine, apotek og vente- og oppholdsområder.

Radiumhospitalet
Ullernchausseen 70
0379 Oslo